聲生不息丨曾比特不自覺爆紅最愛旺角掃街 與女友拍拖6年做一件事派定心丸

曾比特（Mike）近日接受香港電台車淑梅主持的節目《舊日的足跡》訪問，提到他在《聲生不息》中演唱80年代歌曲《初戀》而爆紅，他笑言選唱此曲全因當年周星馳於電影《食神》中，穿著學生裝並配以這歌曲的畫面，令他印象難忘。「我唔覺得紅定唔紅，我冇太大概念。我最想戴住頂帽去旺角買格仔餅食。我只係一個普通人。如果要用四個字嚟形容，就係『不知所措』嘅感覺。」

同場加映：人間飄浮︳黃劍文一步之念 險隨母親做傻事 學懂珍惜：愛真係要講出口

{{hket:ul-video id="5897"}}{{/hket:ul-video}}

聲生不息｜曾比特自幼喪父媽媽母兼父職 努力搵錢：做得辛苦少少報答佢【下一頁】

{{hket:inline-image name="279103140_676805773373225_5503740808376877532_n.jpg"}}{{/hket:inline-image}}

{{hket:inline-image name="279123037_5126914057435427_1637888555730998765_n.jpg"}}{{/hket:inline-image}}

Mike一向熱愛唱歌，中三那年獲得校內歌唱比賽冠軍，但沒有因此讓他增添自信。他坦言從小到大自覺「唔靚仔」、「太肥」，對自己的外型沒有信心。當年參加《全民造星 ll》也考慮了很久。「我參加呢個節目唔係因為姜濤效應，而係佢畀到我一份熱血嘅感覺。報名時我坐喺公司電腦前沉思咗一個鐘，填表後再諗多一個鐘，先決定send。其實我媽媽一直都鼓勵我放心去做，唔好太介意結果。我哋屋企唔習慣講好多嘢，但就總會感受到佢嗰種鼓勵，咁已經足夠！」

「爆炸頭」是 Mike 的標記，讓人一看就認出他。原來這特別的髮型是遺傳自曾媽媽，全家人只有媽媽和他是天生「鬈毛」，他覺得非常麻煩，所以兒時直至中學都把頭髮「剷青」，直至長大才留長髮。他笑言自己要一段時間才能接受這個髮型，想不到現在它竟成為了標誌，希望它可以保持到60歲！

《勿說是推理》熱播丨曾比特爆炸頭與菅田將暉撞款 「大家都問我做咩去咗日本發展」【下一頁】

Mike早前提到跟林子祥合唱《單車》令他有一種遺憾的感覺。「爸爸喺我10歲時走咗。我五、六歲先由汕尾到香港同家人團聚，期間四年爸爸好忙，大家見面唔多。收到消息嘅時候我上緊堂，學校職員帶我去醫院，我唔知發生乜嘢事，喺的士上我唔明佢講乜嘢『冇事冇事』，去到醫院就見到媽媽同姐姐喊到死去活來，原來爸爸已經走咗……我最難忘嘅就係我喺汕尾讀咗一個學期嘅一年班，喺香港再重讀幼稚園。當時我最希望爸爸接我放學，因為佢會一手抱起我騎膊馬，好高，好開心，跟住我地會去行吓商場……」

{{hket:inline-image name="280209564_683009452777936_323231162425344428_n.jpg"}}{{/hket:inline-image}}

{{hket:inline-image name="279759346_722920542389864_1865357586253302106_n.jpg"}}{{/hket:inline-image}}

Mike大讚《聲生不息》的同伴炎明熹歌藝佳，可愛，而且說話有趣，希望兩人有機會合唱。Mike現年28歲，現時身處長沙，坦言好掛念女朋友。「我哋喺教唱歌嘅時候認識，而家感情越嚟越好， 梗係要畀安全感佢。溝通好重要，為咗畀定心丸佢，我買咗部琴喺酒店練習，基本上我大部份時間都喺酒店房間。我哋拍拖差唔多六年，我希望盡快結婚，但諗起而家係（事業）起步階段，必須考慮將來嘅生活，要更加努力。我喜歡佢因為佢唱歌好好聽，無論生活上、舞台上佢都係一個好charm嘅人，成日都有一個好吸引人嘅笑容。我鼓勵佢參加比賽，但係佢好怕醜。」Mike 表示掛念家人，想跟爸爸說自己一切安好，做着喜歡的事情，朝着目標進發，請爸爸不用擔心。

{{hket:inline-image name="zhe.jpg"}}{{/hket:inline-image}}

{{hket:inline-image name="ah.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉